IKEA // IKEA

Ég trúi þessu ekki!!!
Ég var búin að skrifa heljarinnar texta og tölvan bara krassjaði á mig!!! AARGH!

Anyways, það sem ég var að skrifa um er það sem hefur drifið á daga mína... svosem ekki mjög merkilegt. Ég rataði alein í IKEA í dag. Rataði aftur í skólann. Mjög gott. Abdul heldur því enn fram að ég þurfi ekki kort, ég rati þetta alveg. En ég vil samt kort. Maður veit ekki alltaf hvert maður er að fara eða hvar maður er. Ég var að kaupa smá beisikk hluti fyrir nýju íbúðina. Jájá, mín dáldið fljót á sér segja sumir, afhending er ekki fyrr en 1. nóv. En ég þurfti að fara í IKEA hvort eð er, og þá er alveg eins gott að kaupa bara það sem maður þarf þar. Ég var s.s. að kaupa mér yfirdýnu. Ég er á ágætis dýnu hér, en það vantar bara yfirlagið. Eða viðlagið. "Lífið er lag, sem við syngjum saman hér, dag eftir dahag..." Ég var voða praktísk, keypti praktíska, sænska diska, praktískar sænskar skálar og praktísk sænsk borðáhöld. Svo kom ópraktíska hliðin fram í mér og ég keypti eitthvað Vikutilboðsblóm, sem er svo geggjaðslega sætt! Abdul fannst það líka, þegar hann sá það heima. Ég er svo mikil smekksmanneskja. Ég keypti líka eitt fyrir mömmu hans. Þetta er einhvers konar klifurplanta með blómum sem eru eins og kínverskar luktir. Mjög ó-sænskt í útliti.
Voða vesen er þetta, ég er úti í peysu og flíspeysu en er samt kalt! Þetta er eins og á Íslandi! Ég færði mig nebblega út þar sem ég var að krókna inni. Út að hlýja mér. Brrr... enn kalt. Allir eru labbandi um á stuttermabolum, jafnvel hlýrabolum, og hér er ég, víkingurinn frá Íslandi í peysu OG flís, og er kalt! Hnuss. Í dag er fyrsti dagurinn vikunni sem sést til sólar. Það er búið að rigna heil ósköp. Ég er ekki frá því að hlíðarnar séu byrjaðar að grænka. Kannski maður geti farið í eyðimerkurferð og séð eyðimerkurblómin!
Hlassið er að minnka. Enda er ég búin að vera rosa dugleg að fara í ræktina eða út að hjóla eða labba með Bear. Ég er ekkert orðin nein lipurtá, enda stefni ég ekkert á það. Ég var bara hætt að passa almennilega í buxurnar mínar, og þá er kominn tími á að missa sig aðeins.
Abdul er að reyna að senda mig til Lawton, Oklahoma. Ég væri alveg til í að fara þangað og heimsækja Kylu og fjölsk. En það er hægara sagt en gert að komast þangað. Útkjálkinn Lawton. Hver býr annars í Oklahoma, annar en Ruprect og bróðir hans daðurdrósin (Dirty Rotten Scoundrels-tilvísun!).
Jæja, búin í bili!