Ralf Lauren í íslenskum lopa og stjórnun rigningar

Skrapp í Macy's í gær til að leita mér að haldara... rölti aðeins um 'fatadeildina' til að skoða... ekki á leiðinni að kaupa mér neitt, sko! Labbaði inn í Ralph Lauren deildina og þar blasti við mér falleg peysa... ég stóðst ekki mátið og skoðaði hana nánar... hún var úr æðislegri mohair-ullarblöndu, svört... og með... íslenskum lopapeysubekk! Alveg fannst mér þetta magnað! Þessi týpíski íslenski bekkur, með mynstrinu sem endar með smá svona lykkjum neðst á bekknum og svo fyrir neðan hverja lykkju er lítill jafnarma kross... ég átti svona peysu held ég! Og eiginlega bara öll þjóðin meira og minna! Mér fannst þetta æðislegt, Ralph Lauren bara kominn í gamla góða lopann! Nema lopinn var úr mohair...
Ætli hann hafi farið í réttir til að fá inspirasjón??!

Og svo átti dáldið annað magnað sér stað í gær... Abdul og ég vorum að keyra til foreldra hans í fallegu, sólríku og hlýju veðri... og ég segi við hann þegar við keyrum fram hjá gulum og skorpnum hæðum: "Oh ég get varla beðið eftir að það byrji að rigna, svo maður fái smá ferskt loft og gróðurinn fari að taka við sér og allt verður grænt." Abdul gaf mér bara evil look. Hann er ekki aðdáandi rigningar. Og viti menn... síðar um daginn byrjar bara að rigna!!! Ég dró þá rökréttu ályktun að ég stjórni rigningunni... þ.e. hvenær byrji að rigna, því það hefur gengið illa hjá mér að fá hana til að hætta! Þetta er allt saman mjög skrítið þar sem lagið er satt: "It never rains in California". En ég er fegin því þetta þýðir að ég þarf ekki að hafa áhyggjur af því að fara að vökva!

Jæja, er að fara að leika við litlu grísina mína.