Bjúgnefjir í Salton Sea

Hér eru tveir bjúgnefjir (held ég þeir heiti) að finna sér kvöldmat og 'Black Phoebe' að sveima þarna í forgrunninum, að veiða skordýr.

Svo megið þið fuglanördarnir mínir segja mér hvað hinir fuglarnir heita á íslensku :)

Þessi er eitthvað skyldur lóunum... með stór, falleg, rauðbrún augu og var ótrúlega spakur.

Þessir minntu mig dáldið á blöndu af jaðrakan og tjaldi, læti í þeim, stöðugt að pípa. Hann var voða duglegur að veiða, enda hafði hann þennan rosa fína gogg og langar rauðar lappir...

Sonur sæll...

Abdul og ég fórum til Salton Sea í gær, sunnudag. Þar er búið að helga hluta af vatninu sem fuglaverndarsvæði, tileinkað Sonny Bono. Hann lét víst töluvert til sín taka á verndarvettfanginum. Allavegana, það var alveg ógisslega gaman hjá mér, fuglanördinum, og sá ég nokkra fugla sem ég hafði ekki séð áður. Einnig voru snjógæsir þar í hundruðum, eins og hvítir plastpokar út um alla akra og öll vötn! :)

Svo á leiðinni heim stoppuðum við og fengum okkur kvöldmat á In-n-Out (auðvitað!). Á meðan við stóðum í röðinni, var ég eitthvað að kúra mig upp að bringunni á Abdul og hann var að nudda upphandleggina á mér, svona eins og maður gerir þegar maður er að reyna að hita einhverjum upp. Mér var s.s. kalt. Hálfri mínútu síðar steig ég frá til að fara á salernið. Þá segir gömul kona með blátt hár í gömlum velúrjogginggalla í sama lit og hárið: "Hann verður bráðum stærri en þú!" Hún beindi orðum sínum að Abdul. Hún hélt s.s. að ég væri sonur Abdul!!! :D Við grenjuðum úr hlátri!! Hún hefur örugglega fengið sjokk þegar hún sá Abdul og mig kyssast :D Ég hélt ég væri ekki svona rosalega karlmannaleg í útliti og vexti, sérstaklega núna þegar júllurnar eru orðnar C+! En þetta er nú ekki í fyrsta skiptið sem talið er að ég sé strákur :)

Red-tail haukur

Þessi ungi fugl var alveg merkilega spakur, og fengum við það uppgefið hjá einum ljósmyndara sem var þarna líka að nördast að hann er 'celebrity' og er þ.a.l. þrælvanur að láta fuglanörda skoða sig og smella óteljandi myndum af sér. Eflaust er hann kominn með rosa egó...
Það var æðislegt að geta verið svona nálægt honum (ca. 3 metrar) og sjá ALLT, litlu 'veiðihárin' sem eru í kringum gogginn á honum, sjá hvernig fjaðrirnar enda í spíss og sjá þessar rosa klær! En hann var ungur og algjör klaufi að veiða. Hann hélt að hann gæti veitt litla fugla í háa grasinu sem var allt í kringum okkur með því að labba um! Eins og að tína ber! Auðvitað skutust litlu fuglarnir í burtu... eftir ítrekaðar tilraunir ákvað hann bara að halda áfram fyrirsætustörfum og hvíla sig aðeins á þessu veiðiveseni...

Laugardagur...

Við hjónakornin fórum á náttúruverndarsvæði í Huntington Beach og sáum alveg ótrúlega flottan fugl... ungan Red-tail hauk... hann var sko ekki hræddur við okkur! Hann bara chillaði á skilti svona 3 metra frá okkur, hvíldi eina löppina, snyrti sig og reyndi aðeins að veiða. Var algjör klaufi við það, ferlega fyndið! Myndir af honum koma eftir smá...

Og strákur var það, heillin!

Víí!
Fórum í anatómíusónar í dag... gaman gaman!

Bumban vex!